Contoh Teks Khutbah Jumat Bahasa Sunda dan Download PDF yang Berjudul Hade Laku Lampah Ciri Muslim Nu Taat
هُوَ بَسْطُ الوَجْهِ، وَبَذْلُ المَعْرُوفِ، وَكَفُّ الأَذَى
“(Husnul Khuluq atanapi Akhlak nu sae teh nyaeta) nampakkeun wajah anu berseri-seri, jeung ngupayakeun laku lampah nu sae, oge nahan diri tina nyela atanapi nyinggung paraosan batur.” (HR. At-Tirmizi No. 2005)
Para wargi sidang shalat Jumat anu dimuliakeun ku Allah,
Allah subhanahu wata’ala ngalangkungan Al-Quran oge Kanjeng Nabi Muhammad shallallahu ‘alaihi wasallam ngalangkungan haditna parantos ngejentrekeun perkawis haramna ngalukai atanapi ngarendahkeun harkat martabat manusa kalayan teu dibarengan kunu jadi hakna, sepertos dina hiji Ayat Allah subhanahu wata’ala ngadauhkeun,
وَالَّذِيْنَ يُؤْذُوْنَ الْمُؤْمِنِيْنَ وَالْمُؤْمِنٰتِ بِغَيْرِ مَا اكْتَسَبُوْا فَقَدِ احْتَمَلُوْا بُهْتَانًا وَّاِثْمًا مُّبِيْنًا
“Jeung jalma-jalma anu nganyenyeri jalma-jalma mukmin lalaki oge mukminat tanpa kasalahanana, maka satemenna maranehna geus nanggung kabohongan jeung dosa anu nyata.” QS Al Ahzab 58.
Para wargi sidang shalat Jumat anu dimuliakeun ku Allah,
Satemenna كَفُّ الأَذَى atanapi nahan diri tina ngalukai umat muslim mangrupikeun hiji ibadah anu ageung ganjaranana, sakumaha Al-Quran oge hadits nabi parantos ngajentrekeun perkawis kautamaan oge posisina di sandingen Allah subhanahu wata’ala.
Jeung syariat oge tangtosna ngalarang kana ngalukai umat Muslim, naon sababna? Margi Allah subhanahu wata’ala nempatkeun kahormatan diri umat muslim di posisi anu terhormat, sareng laku ngalukai kahormatan muslim janten sabab tumibana mumusuhan oge ngundang kabendu di tengah-tengah masyarakat.
Imam Hasan Al-Bashri rahimahullah sakumaha ditutur dina kitab Makarim Al-Akhlak karya imam al-Kharaithi ngadauh,
أَيُّهَا النَّاسُ! إِنْ سَرَّكُمْ أَنْ تَسْلَمُوا وَيَسْلَمَ لَكُمْ دِينُكُمْ؛ فَكُفُّوا أَيْدِيَكُمْ عَنْ دِمَاءِ النَّاسِ، وَكُفُّوا أَلْسِنَتَكُمْ عَنْ أَعْرَاضِهِمْ، وَكُفُّوا بُطُونَكُمْ عَنْ أَمْوَالِهِمْ
“Wahai sakabeh jalma! Lamuun anjeun resep sareng mikahayang aya dina kasalamatan diri oge salamet agama aranjeun, maka ku kituna tahan leungeun-leungeun anjeun tina ngocorkeun getih manusa, jeung tahan letah aranjeun tina nyilakakeun kahormatan maranehna, oge tahan beuteung aranjeun kabeh tina ngadahar harta banda maranehna.” (Makarim Al-Akhlaq, Imam al-Kharaithi, 379)
